वेबटिभी खबर
वेबटिभी खबर
फ्रान्स । इराक र फ्रान्सबीच विविध क्षेत्रमा द्विपक्षीय सहयोग प्रवर्द्धन गर्ने सम्बन्धी रणनीतिक साझेदारीको सम्झौता भएको छ ।
सम्झौताअनुसार दुवै देशले ऊर्जा र सुरक्षा मामिलामा सहयोग आदानप्रदान गर्नेछन् ।
इराकी प्रधानमन्त्री बिहीबार भएको फ्रान्सको भ्रमणका बेला उक्त सम्झौतामा हस्ताक्षर भएको हो ।
प्रधामन्त्री मोहम्मद शिया अल सुडानीले आफ्ना फ्रान्सेली समकक्षी एलिसावेथ बोर्न र राष्ट्रपति इम्यानुएल म्यात्रोँसँग बेग्लाबेग्लै भेटवार्ता गरेका थिए ।
फ्रान्सेली नेतृत्वसँगको भेटवार्तामा इराक–फ्रान्स सम्बन्धका साथै क्षेत्रीय एवम् अन्तर्राष्ट्रिय चासोका साझा विषयमा विचारविमर्श भएको इराकी अधिकारीहरूले बताएका छन् ।
दुवै देशले आतंकवाद र अतिवादविरुद्ध संयुक्तरूपमा काम गर्ने, सांस्कृतिक आदानप्रदान, संकट व्यवस्थापन, आर्थिक एवम् संगठित अपराधविरुद्ध एक हुने, वातावरण तथा मानवअधिकार संरक्षण पारस्परिक सहमति भएको छ ।
Copyright © All right reserved to webtvkhabar.com Site By: SobizTrend Technology
