Logo

२०७८, आषाढ ५ गते शनिवार

२०७८, आषाढ ५ गते शनिवार

शिक्षकको दरबन्दी खारेजीको तयारी

शिक्षकको दरबन्दी खारेजीको तयारी

  • 15.7K
    SHARES
  • शिक्षकको दरबन्दी खारेजीको तयारी

    काठमाडौं । सरकारले बढी भएको शिक्षक दरबन्दी खारेज गर्ने भएको छ । बजेट वक्तव्यमार्फत् सरकारले त्यसको तयारी गरेको हो ।  सरकारले शिक्षक विद्यार्थी अनुपातको आधारमा शिक्षकको दरबन्दी मिलान गर्ने जनाउँदै प्राथमिक तहमा बढी भएको दरबन्दीलाई माध्यमिक तहमा रुपान्तरण गर्ने जनाएको हो ।

    ‘प्राथमिक तहमा बढी हुने दरबन्दी माध्यमिक तहमा रुपान्तराण गरी बढी भएको दरबन्दी खारेज गरिनेछ ।’ बजेट वक्तव्यमा उल्लेख छ । सरकारले माध्यमिक तहका विद्यालयमा विद्यार्थी संख्याको अनपातमा विज्ञान, गणित र अंग्रेजी विषयका शिक्षक व्यवस्था गर्न थप अनुदानका लागि रु.२ अर्ब ६६ करोड विनियोजन गरेको छ ।

    दुई वर्षअघि सरकारले पूर्वसचिव महाश्रम शर्मा संयोजकत्वको कार्यदलले बनाएको शिक्षक दरवन्दी पुनर्वितरण सुझाव कार्यदलले सामुदायिक विद्यालयमा कूल ५७ हजार ५६ शिक्षक दरबन्दी कम भएको तथ्य बाहिर ल्याएको थियो । 

    अहिले देशभर प्राथमिक तहको शिक्षक दरबन्दी ८० हजार एक सय ७६, निम्न माध्यमिकमा १६ हजार दुई सय ४४, माविमा १२ हजार सात सय २५ रसाबिकको उच्च माध्यमिकमा दुई हजार दरबन्दी रहेको तथ्यांक छ ।

    सो कार्यदलले न्यूनतम आवश्यकताको आधारमा दरबन्दी पुनर्वितरण गर्दा आधारभूत  तह ९१-५० मा ८ सय ७९ शिक्षक, आधारभूत तहअन्तर्गतकै ९६-८० मा २४ हजार ९ सय ११, माध्यमिक तह९ ९-१०० मा २४ हजार ३ सय ४० र माध्यमिक तह (११-१२) मा ७ हजार ८ सय ५ शिक्षक थप गर्न प्रस्ताव गरेको थियो ।

    शिक्षा ऐनअनुसार विद्यार्थी-शिक्षक अनुपात पहाडमा ४५:१, तराई र उपत्यकामा ५०ः१ र हिमालमा ४०:१ छ । सोही कार्यदलका संयोजक एवं पूर्व सचिव शर्माले दरबन्दी मिलानको विषय लामो समयदेखिको भएको बताउँदै अहिलेसम्म व्यवस्थित रुपले दरबन्दी मिलान गर्न नसकेको बताए ।

    उनले सरकारले बजेटमार्फत् दरबन्दी खारेज गर्ने सार्वजनिक गरे पनि त्यो व्यवहारतः नमिल्ने बताए । उनले दरबन्दी मिलानसम्म सम्भव भएको र दरबन्दी नै खारेज सम्भव नभएको बताए ।

    कक्षा १० र १२ को परीक्षा लिन यी ३ विकल्प कक्षा १० र १२ को परीक्षा लिन यी ३ विकल्प

    सम्बन्धित समाचार

    Copyright © All right reserved to webtvkhabar.com Site By: SobizTrend Technology