वेबटिभी खबर
काठमाडौं । पूर्वप्रधानमन्त्री डा.बाबुराम भट्टराई नेतृत्वको नेपाल समाजवादी पार्टी (नेसपा)ले राष्ट्रपति निर्वाचनमा नेपाली कांग्रेसका उम्मेदवारलाई मत दिने जनाएको छ ।
नेसपाको बैठकले नेपाली कांग्रेसका उम्मेदवार रामचन्द्र पौडेललाई मत दिने निर्णय गरेको नेसपाका नेता विश्वदीप पाण्डेले जानकारी दिए ।
राष्ट्रपति निर्वाचनको मतदान आगामी फागुन २५ गते हुने कार्यतालिका रहेको छ । नेसपासँग २५४ मतभार छ । नेसपाका संघीय संसदमा २ र प्रदेश सभामा २ जना सांसद छन्।
Copyright © All right reserved to webtvkhabar.com Site By: Sobij
