वेबटिभी खबर
पाँचथर । पाँचथर प्रहरीले मोटरसाइकल चोरीमा संलग्न भएको आरोपमा आठजनालाई पक्राउ गरेको छ । पाँचथर र तेह्रथुमको विभिन्न स्थानहरूबाट उनीहरूलाई प्रहरीले पक्राउ गरिएको हो ।
जिल्ला प्रहरी कार्यालय पाँचथरका प्रहरी नायब उपरीक्षक हरि खतिवडाका अनुसार चोरीका मोटरसाइकल खरिद गरी पाटपुर्जा परिवर्तन गरेर बिक्री गर्नेलाई पक्राउ गरिएको छ । पत्रकार सम्मेलनमार्फत आज उनीहरूलाई सार्वजनिक गरिएको छ ।
तेह्रथुमको आठराई गाँउपालिका-४ शिवकुमार तामाङ, श्रीप्रसाद तामाङ, पविन इङ्नाम, सुरज पुर्वछाने मगर, वासुदेव तामाङसहित ८ जनालाई प्रहरीले पक्राउ गरेको छ ।
यस्तै ताप्लेजुङको आठराई त्रिबेणी गाउँपालिकाएनमान दियाली, इलामको फाकफोकथुम घर भइ आठराईमा दुग्ध डेरी सञ्चालन गर्ने २७ वर्षीय तारा बराल र पाँचथरको फालेलुङ गाउँपालिका ५ घर भइ फिदिम नगरपालिका १ मा ग्यारेज सञ्चालन गर्ने विरेन्द्र रानालाई प्रहरीले पक्राउ गरेको हो ।
उनीहरूलाई आजै प्रहरीले सार्वजनिक गरेको छ । उनीहरूलाई जिल्ला अदालत पाँचथरबाट म्याद थप गरी प्रहरीले अनुसन्धान गरिरहेको छ ।
Copyright © All right reserved to webtvkhabar.com Site By: Sobij
