वेबटिभी खबर
सप्तरी । सप्तरीमा मंगलबार बिहान भएको बोलेरो दुर्घटनामा परी तीन जनाको मृत्यु भएको छ । कञ्चनरूप नगरपालिकामा-९ स्थित विष्णु मन्दिर नजिकै भएको उक्त दुर्घटनामा तीन जनाले ज्यान गुमाएकाे प्रहरीले जनाएकाे छ ।
घोडा बोकेर पूर्वबाट पश्चिमतर्फ जाँदै गरेको प्र २-०२-००१च ०७४६ नम्बरको बोलेरो र पश्चिमबाट पूर्वतर्फ आउँदै गरेको बा १८ च ६६१७ नम्बरको स्कारपीयो आपसमा ठोक्किँदा सुनसरीको दुहबी नगरपालिका-३ का सञ्जय चौधरी, राजकुमारी चौधरी र हरेराम साहको मृत्यु भएको हो ।
उनीहरू स्कारपीयोमा सवार थिए । बोलेरोमा रहेका दुई घोडामध्ये एउटाको मुत्यु भएको प्रहरीको भनाइ छ । उक्त दुर्घटनामा परी १२ जना घाइते भएका छन् ।
प्रहरीका अनुसार घाइतेहरूलाई उपचारका लागि विराटनगर पठाइएको छ ।
Copyright © All right reserved to webtvkhabar.com Site By: Sobij
