काठमाडौं । साताको चौथो दिनको कारोबारमा शेयर बजार दोहोरो अंकले घटेको छ । आज शेयर कारोबार मापक नेप्से परिसूचक २४.४४ अंकले घटेर १९९५.४९ विन्दुमा झरेको छ ।
यस्तै ठूला कम्पनीको शेयर कारोबार मापन गर्ने सेन्सेटिभ परिसूचक ३.५६ अंकले घटेर ३७८.३७ विन्दुमा पुगेको छ ।
नेपाल स्टक एक्सचेञ्ज (नेप्से)का अनुसार कूल २५७ कम्पनीको ३७ लाख २९ हजार ९७६ कित्ता शेयर खरिद बिक्री हुँदा १ अर्ब २८ करोड ८३ लाख रूपैयाँमाथिको कारोबार भएको छ ।
त्यस्तै कारोबारको आधारमा अपर तामाकोशी हाईड्रोपावर शीर्ष स्थानमा छ । जसको आज ८ करोड ७२ लाखभन्दा बढीको कारोबार भएको छ ।
त्यस्तै दोस्रोमा शिबम सिमेन्ट र तेस्रोमा हिमालय डिस्टिलरीको रहेको छ । बुधबारको कारोबारमा सबै उपसुचकहरू उपसूचक घटेको छ ।
सबैभन्दा धेरै निर्माण प्रशोधन र माईक्रो फाइनन्सको २ प्रतिशतले कारोबार रकम घटेको छ । आजको कारोबारमा आदर्श लघुवित्त वित्तिय संस्थाको शेयर मूल्य १० प्रतिशतले बढेको छ ।
Copyright © All right reserved to webtvkhabar.com Site By: SobizTrend Technology