वेबटिभी खबर
काठमाडौं । नयाँ उपराष्ट्रपतिको चयनका लागि मतदान गर्ने प्रक्रिया सकिएको छ । बिहान १० देखि सुरु भएको मतदान दिउँसो ३ बजे सकिएको हो । मतगणना नयाँ बानेश्वरस्थित संसद् भवनमा साढे ३ बजेबाट सुरु हुने आयोगले जनाएको छ ।
मतगणनापछि शुक्रबार नै उपराष्ट्रपति निर्वाचनको प्रमाणपत्र प्रदान गरिने तयारी रहेको निर्वाचन आयोगले जनाएको छ । मतदानमा ३११ संघीय सांसद र ५१८ प्रदेशसभा सदस्य गरि ८२९ जनाले मतदान गरेका छन् ।
संघीय संसदका ३३४ जनामध्ये ३११ जनाले मतदान गरेका छन् । प्रदेशसभाका ५५० जनामध्ये ५१८ जनाले मतदान गरेका छन् ।
उपराष्ट्रपतिमा नेकपा एमालेबाट अष्टलक्ष्मी शाक्य (बोहरा), जनता समाजवादी नेपाल(जसपा)बाट रामसहायप्रसाद यादव, जसपाकै प्रमिला कुमारी यादव र जनमत पार्टीकी ममता झाले उम्मेदवारी दिएका छन् ।
जसपा कि प्रमिला यादवले भने उम्मेदवारी फिर्ता लिएको घोषणा गरेका हुन् ।
Copyright © All right reserved to webtvkhabar.com Site By: Sobij
