वेबटिभी खबर
काठमाडौं । जुम्लाकी सांसद कान्तिका सेजवालले सरकारले विद्यालयमा दिवा खाजाका लागि दिएको रकम बढाउन माग गरेकी छन् ।
आज बुधबार संसदमा बोल्दै उनले रकम बढाउन माग गरेकी हुन् ।
सरकारले हाल ६ कक्षासम्मका बालबालिकालाई दिवा खाजा दिँदै आएको छ । जसका लागि वर्षको १८० दिनसम्म हिमाली जिल्लामा प्रतिदिन प्रतिविद्यार्थी २० रुपैयाँ र पहाड तथा तराईमा १५ रुपैयाँ दिने गरिएको छ ।
यो रकमले बालबालिकालाई खाजा नपुग्ने भन्दै सांसद सेजवालले बढाउन माग गरिन् । ‘१५ र २० रुपैयाँले बालबालिकालाई खाजा किन्न भ्याउँछ कि भ्याउँदैन ?’ उनले प्रश्न गरिन् ।
Copyright © All right reserved to webtvkhabar.com Site By: SobizTrend Technology
