काठमाडौं । राष्ट्रिय स्वतन्त्र पार्टी (रास्वपा) का सभापति एवम् पूर्व गृहमन्त्री रवि लामिछानेविरुद्ध राहदानी दुरुपयोगको कसुरमा कारबाहीको माग गर्दै सर्वोच्च अदालतमा रिट दायर भएको छ ।
यसअघि नागरिकताको विषयमा प्रश्न उठाउँदै मुद्दा गरेका सिन्धुलीका युवराज पौडेल ‘सफल’ले नै राहदानीको विषयमा पनि प्रश्न उठाउँदै रिट दायर गरेका हुन् ।
सर्वोच्च अदालत प्रशासनले रिट निवेदन आइपुगेको र अध्ययनकै क्रममा रहेको जानकारी दिएको छ ।
पौडेलले दायर गरेको रिटमा रिटमा उत्प्रेषण, परमादेशलगायत जे–जो चाहिने उपयुक्त हुन्छ सोही आदेश जारी होस् भन्ने माग गरेका छन् ।
लामिछानेविरुद्धको यसअघि परेको रिटमा प्रहरी र सरकारी वकिलको कार्यालयले मुद्दा चलाउन पर्ने नदेखिएको बताएका थिए ।
Copyright © All right reserved to webtvkhabar.com Site By: SobizTrend Technology