Logo

२०७८, आषाढ ५ गते शनिवार

२०७८, आषाढ ५ गते शनिवार

कांग्रेसबाट मन्त्री बनेका थापाको बर्खास्तीको माग गर्दै कर्णाली प्रदेशसभा बैठक आज पनि स्थगित 

कांग्रेसबाट मन्त्री बनेका थापाको बर्खास्तीको माग गर्दै कर्णाली प्रदेशसभा बैठक आज पनि स्थगित 

  • 102
    SHARES
  • कांग्रेसबाट मन्त्री बनेका थापाको बर्खास्तीको माग गर्दै कर्णाली प्रदेशसभा बैठक आज पनि स्थगित 

    काठमाडौं । आज (बुधबार) बसेको कर्णाली प्रदेशसभा बैठक प्रतिपक्षीदल नेकपा एमालेका कारण स्थपगित भएको छ । नेपाली कांग्रेसबाट हालै मन्त्री बनेका भौतिक पूर्वाधार तथा सहरी विकासमन्त्री अम्मरबहादुर थापालाई बर्खास्त गर्न माग गर्दै बुधबार पनि एमालेले प्रदेशसभा बैठक अवरुद्ध गरेको हो । 

    बुधबार बसेको बैठकको सुरुमै एमाले प्रदेश संसदीय दलका नेता यामलाल कँडेलले आफूहरुले उठाएको मागमा सरकारले कुनै जवाफ नदिएको र मन्त्री थापाको विषयमा पनि कुनै निर्णय नभएकाले बैठकको कामकारवाही अघि बढ्न नसक्ने बताए । 

    कँडेलले थापामाथि नैतिक पतन जस्तो गम्भीर मुद्दा प्रमाणित भइसकेको बताउँदै जेठ तीस गतेसम्म सदनमा आउन नदिने प्रस्ताव आफूहरुले स्वीकार गरे पनि लिखित सहमति सरकारले गर्न नचाहेको आरोप लगाए ।

    सरकारले जेठ २४ गते सभामुखको पहलमा बसेको सर्वदलीय बैठकमा राखेको प्रस्ताव एमालेले स्वीकार गरे पनि त्यसबाट सरकार भागेको उनले बताए ।

    त्यस्तै उनले सदनबाट बजेट ल्याउने कर्णाली सरकारको नियत नदेखिएको टिप्पणी पनि गरे । सबै दोष एमालेलाई देखाएर सरकारले अध्यादेशमार्फत बजेट ल्याउन खोजेको कँडेलको आरोप छ ।

    दोषी करार व्यक्ति सभामा राख्ने स्थितिको अन्त्य र सुधार नगरेसम्म बैठक चल्न नदिने भन्दै एमालेका सदस्यले उठेर विरोध जनाएपछि बुधबार पनि बैठक स्थगित भएको हो । यसअघि सोमबार र मंगलबार पनि प्रदेशसभाको बैठक अवरुद्ध भएको थियो ।

    सम्बन्धित समाचार

    Copyright © All right reserved to webtvkhabar.com Site By: SobizTrend Technology