Logo

२०७८, आषाढ ५ गते शनिवार

२०७८, आषाढ ५ गते शनिवार

बालबालिकामा देखा पर्ने मल्टि-सिस्टम इन्फ्लामेटरी सिन्ड्रोम के हो ?

बालबालिकामा देखा पर्ने मल्टि-सिस्टम इन्फ्लामेटरी सिन्ड्रोम के हो ?

  • 127
    SHARES
  • बालबालिकामा देखा पर्ने मल्टि-सिस्टम इन्फ्लामेटरी सिन्ड्रोम के हो ?

    काडमाडौं । मल्टि-सिस्टम इन्फ्लामेटरी सिन्ड्रोम भनेको कोरोना भाइरस संक्रमित बालबालिकाको मुटु,फोक्सो, मिर्गौला, छाला, आँखाजस्ता अंगहरू सुन्निने समस्या हो । यो सामान्यतया कोरोना संक्रमित भएको २ देखि ४ हप्तापछि देखापर्छ । 

    समयमै चिकित्सककहाँ नपुग्दा फोक्सो, मिर्गौला, मुटुमा असर पर्ने तथा शरीरले आफैं विकास गर्ने रोग प्रतिरोधी क्षमतामा ह्रास आउनेजस्ता समस्या हुन्छन् ।

    बेलैमा उपचार नगरे यसको असर पछिसम्म पनि देखा पर्नसक्छ वा त्यसको प्रभाव शरीरका अन्य अंगहरूमा धेरैपछि पनि देखिन्छ । 

    यसका लक्षण 

    आँखा रातो हुने,

    ज्वरो आउने,

    सास फेर्न गाह्रो हुने,

    घाँटी दुख्नु,

    पेट दुख्नु,

    पखाला लाग्नु,

    छाला, ओठ वा नङ निलो हुनु,

    शरीरमा डाबर आउनु  र

    थकान महसुस हुनु । 

    बालबालिकामा यस्ता लक्षण देखिए के गर्ने ?

    कोरोना संक्रमित वा संक्रमितसँग सम्पर्कमा आएका बालबालिकालाई तीन दिनसम्म ज्वरो आएपछि र माथि उल्लेखितमध्ये कम्तिमा दुई वटा लक्षणहरू देखा परेमा तुरुन्त अस्पताल लैजानुपर्छ ।

    यो समस्या के कारणले देखिन्छ भनेर एकिन भइसकेको छैन । तर कोरोना भाइरस संक्रमित वा संक्रमितसँग सम्पर्कमा आएका बालबालिकामा देखिने गरेको स्वास्थ्य तथा जनसंख्या मन्त्रालयले जनाएको छ ।

    त्यसैले यस्तो समस्या आउनै नदिन जनस्वास्थ्यका मापदण्ड पालना गर्न गराउन मन्त्रालयले सबैलाई आग्रह गरेको छ ।

    सम्बन्धित समाचार

    Copyright © All right reserved to webtvkhabar.com Site By: SobizTrend Technology