नयाँ दिल्ली । भारतमा कोरोना भाइरसको दैनिक संक्रमण एक लाखभन्दा थोरै भएको वेला बुधबार मृत्यु सर्वाधिक भएको छ । २४ घण्टामा ९३ हजार आठ सय जना संक्रमित भएका छन् । तर मृत्यु हुनेको संख्या यसअघिको तुलनामा दुई गुणा बढी छ हजार एक सय ३८ छ ।
कोरोना संक्रमणबाट एकैदिनमा ज्यान गुमाउनेको यो संख्या अहिलेसम्मकै सबैभन्दा बढी हो । यसभन्दा अघि मे १८ मा चार हजार पाँच सय २९ जनाको मृत्यु भएको थियो ।
बिहार राज्यमा मृत्यु भएका मानिसहरुको तथ्यांक अद्यावधिक गर्दा तीन हजार नौ सय ५१ जना मृतक संख्या थपिएका हुन् । त्यहाँ अहिलेसम्म पाँच हजार चार सय ५८ जनाको मृत्यु भएको बताइएको थियो, अब कुल मृत्यु हुनेको संख्या नौ हजार चार सय २९ पुगेको छ ।
Copyright © All right reserved to webtvkhabar.com Site By: SobizTrend Technology