वेबटिभी खबर
काठमाडौं । नागरिक लगानी कोषको संस्थापक शेयर लिलामीमा आवेदन गर्ने बिहीबार अन्तिम दिन रहेको छ । एनआईसी एशिया बैंकको स्वामित्वमा रहेको उक्त कोषको संस्थापक शेयर लिलामीमा आवेदन गर्ने बिहीबार बैंकिङ समयसम्म रहेको छ ।
बिक्री प्रबन्धकमा एनआईसी एशिया क्यापिटल लिमिटेड रहेको उक्त बैंकले कोषको ३ लाख ५० हजार ३ सय ६९ कित्ता संस्थापक शेयर लिलामीमा ल्याएको हो । कोषको न्यूनतम शेयरमूल्य १ हजार ३ सय ६६ रुपैयाँ तोकिएको हुँदा सो वा सोभन्दा बढी मूल्य अंकित गरी बोलपत्र पेश गनुपर्नेछ ।
आवेदकले न्यूनतम १ सय कित्ताका लागि आवेदन दिन सक्नेछन् भने अधिकतम १० ले भाग जाने गरी अधिकतम सम्पूर्ण कित्ताका लागि आवेदन दिन सक्नेछन । साथै एनआईसी एशिया बैंकको केन्द्रीय कार्यलयहरु विराटनगर,पोखरा,बुटवल धनगढी र सुर्खेतबाट बोलपत्र पेश गर्न सक्नेछन् ।
Copyright © All right reserved to webtvkhabar.com Site By: SobizTrend Technology
