Logo

२०७८, आषाढ ५ गते शनिवार

२०७८, आषाढ ५ गते शनिवार

अन्तरिक्ष केन्द्रमा अर्को साता यात्री पठाउने चीनको तयारी 

अन्तरिक्ष केन्द्रमा अर्को साता यात्री पठाउने चीनको तयारी 

  • 72
    SHARES
  • अन्तरिक्ष केन्द्रमा अर्को साता यात्री पठाउने चीनको तयारी 

    बेइजिङ । चीनले अन्तरिक्षमा निर्माण गरेको आफ्नै नयाँ अन्तरिक्ष केन्द्रमा अन्तरिक्ष यात्रीहरु पठाउन रकेट तयार भएको जनाएको छ । यो रकेट अर्को साता अन्तरिक्षतर्फ पठाइने तयारी चीनले गरेको छ । 

    चीनले पहिलोपटक तीन जना अन्तरिक्ष यात्रीलाई नयाँ अन्तरिक्ष केन्द्रमा पठाउँदैछ । उनीहरु तीन महिना अन्तरिक्षमा रहने छन् । उनीहरुले त्यहाँ रहँदा अन्तरिक्ष केन्द्र बाहिर हिँड्ने (स्पेसवाक), निर्माण र मर्मतका साथै वैज्ञानिक अनुसन्धान गर्नेछन् ।

    तियान्हे नाम दिइएको नयाँ अन्तरिक्ष केन्द्रको मुख्य खण्ड गत अप्रिल २९ मा अन्तरिक्षमा पठाइएको थियो भने गत महिना अन्तरिक्ष यात्रीका लागि आवश्यक इन्धन, खाद्यान्न र उपकरण बोकेको कार्गो रकेट पठाइएको थियो । लङ मार्च-२एफ वाई१२ रकेटलाई बुधबार चीनको उत्तरपश्चिम स्थित जिक्वान स्याटेलाइट लन्च सेन्टरमा पठाइएको छ ।

    यो रकेटले सम्भवतः आगामी बुधबार अन्तरिक्ष यात्रीहरुलाई अन्तरिक्षमा पठाउने छ । चिनियाँ अन्तरिक्ष इन्जिनियरिङ कार्यालयले अर्को वर्षको अन्त्यसम्ममा ११ वटा रकेट प्रक्षेपण गर्नेछ जसले दुई वटा प्रयोगशाला मोड्युलहरु अन्तरिक्षमा पठाउने छ । हाल तियान्हेको वजन करिब ७० टन छ । चीनले चार पटक अन्तरिक्ष यात्रीहरु अन्तरिक्षमा पठाउने योजना बनाएको छ ।

    चीनले पठाउन लागेका अन्तरिक्ष यात्रीहरुमा वरिष्ठ अन्तरिक्ष यात्रीहरु, नयाँ व्यक्तिहरु र महिलाहरु पनि रहेका छन् । चीनले यसअघि ११ जना यात्रीलाई अन्तरिक्षमा पठाइसकेको छ जसमा सबैजसो चीनको सेनाका पाइलटहरु रहेका छन् ।

    हालसम्म अमेरिका र रुसले अन्तरिक्षमा अन्तर्राष्ट्रिय अन्तरिक्ष केन्द्र बनाएका छन् । यी केन्द्रमा अमेरिका र रुससमेत अन्य देशका अन्तरिक्ष यात्रीलाई अवसर दिइए पनि चीनलाई भने सुरक्षा खतरा भन्दै अमेरिकाले सहभागी गराइ रहेको छैन । 

    चीनले निर्माण गरिरहेको अन्तरिक्ष स्टेशनका लागि कार्गो रकेट प्रक्षेपण चीनले निर्माण गरिरहेको अन्तरिक्ष स्टेशनका लागि कार्गो रकेट प्रक्षेपण चीनको जुरोङ रोभर पहिलोपटक मंगल ग्रहको सतहमा गुड्यो   चीनको जुरोङ रोभर पहिलोपटक मंगल ग्रहको सतहमा गुड्यो   मंगल ग्रहमा यानको अवतरण, चीनको महत्वपूर्ण सफलता  मंगल ग्रहमा यानको अवतरण, चीनको महत्वपूर्ण सफलता  अन्तरिक्ष स्टेसन बनाउन चीनको पहिलो रकेट प्रक्षेपण  अन्तरिक्ष स्टेसन बनाउन चीनको पहिलो रकेट प्रक्षेपण 

    सम्बन्धित समाचार

    Copyright © All right reserved to webtvkhabar.com Site By: SobizTrend Technology