वेबटिभी खबर
काठमाडौं । इन्द्रेणी मोटर तथा फुड ग्यारेजले निः शुल्क खाना वितरण गरेको आज १७ औं दिन भएको छ ।
सञ्चालक उज्ज्वल ठकुरीकाअनुसार १ सय जनाबाट निःशुल्क खाना वितरण गर्न सुरु गरेको ग्यारेजले अहिले दैनिक २ सय ५० भन्दा बढी जनालाई खाना वितरण गरिरहेको छ ।
सुरुमा आफ्नै खर्चमा सुरु गरिएको सेवामा अहिले केही सहयोगी हातहरु पनि जोडिएको ठकुरीले जानकारी दिए ।
ग्यारेजले गाडीमा राखेर बालाजु, स्वयम्भू , ट्र्मा सेन्टर , छाउनीलगायत काठमाडौंका विभिन्न स्थानमा निः शुल्क खाना वितरण गर्दै आइरहेको उनले बताए ।
अब सामाजिक सेवामा योगदान दिन ठकुरीले ईन्द्रेणी सामाजिक संस्था दर्ता गरी विधिवत रुपमा मानव सेवा गर्ने योजना रहेको ठाकुरीको भनाइ छ ।
खाना वितरणका लागि सहयोग पुर्याउने संघ, संस्था तथा देश-विदेशमा रहेका नेपालीप्रति आभार व्यक्त गरेका छन् । ठकुरीले निषेधाज्ञापछि पनि गरिब, असक्त, बालबालिकाहरुको लागि सेवामा निरन्तर लागिरहने प्रतिवद्धता व्यक्त गरे ।
Copyright © All right reserved to webtvkhabar.com Site By: Sobij
