वेबटिभी खबर
सर्लाही । सर्लाहीमा केही दिनयता अत्यधिक गर्मी बढेपछि विद्यालय बन्द गरिएको छ ।
गर्मी बढेपछि जिल्लाका सबै सामुदायिक तथा संस्थागत विद्यालय थप पाँच दिनका लागि बन्द गरिएको शिक्षा विकास तथा समन्वय इकाई सर्लाहीका प्राविधिक सहायक राजेशकुमार यादवले जानकारी दिए ।
उनका अनुसार गर्मीका कारण विद्यालयमा अध्ययनरत बालबालिकामा असर परेको सूचना आएपछि वर्षे बिदाबाट कट्टा हुने गरी गर्मी बिदा दिइएको हो ।
गर्मीका कारण बालबालिकाको स्वास्थ्यमा प्रतिकूल असर पर्न सक्ने भएकाले जेठ २४ देखि ३० गतेसम्म बिदा दिइएको उनको भनाइ छ ।
यसअघि जेठ २१ गतेदेखि २४ गतेसम्म बिदा दिइएको थियो ।
Copyright © All right reserved to webtvkhabar.com Site By: Sobij
