वेबटिभी खबर
काठमाडौं । जनता समाजवादी पार्टी (जसपा)को केन्द्रीय समितिको बैठक बस्ने भएको छ । विधान अधिवेशनको तयारी गर्न बैठक असार ९ गते बिहान १० बजेका लागि बोलाइएको हो ।
केन्द्रीय कार्यालयमा बस्ने बैठकमा केन्द्रीय कार्यकारिणी समितिले विभिन्न समिति र संगठनहरुले पठाएका सुझावहरु समेटेर तयार पारेको संशोधित विधानबारे छलफल हुने जनाइएको छ ।
जसपाले असार १०, ११ र १२ गते काठमाडौंमा विधान अधिवेशन गर्दै छ । विभिन्न समिति र संगठनबाट गरी ७७८ जना प्रतिनिधिहरु विधान अधिवेशनमा सहभागि हुनेछन्, जसमध्ये ४२३ जना केन्द्रीय समिति सदस्यहरु छन् ।
Copyright © All right reserved to webtvkhabar.com Site By: Sobij
