वेबटिभी खबर
काठमाडौं । एप्पलले आफ्नो नयाँ एप्पल घडी ‘एप्पल वाच सिरिज-७’ यसै वर्ष सार्वजनिक गर्ने भएको छ ।
नयाँ एप्पल घडी सानो आकारको हुनेछ भने यसमा थुप्रै फिचरहरू थपिने र प्रयोगकर्ताले डिस्प्ले र ब्यान्डमा केही परिवर्तन पाउने ब्लुमबर्गले जानकारी गराएको छ ।
यसको डिस्प्ले पातालो हुनेछ र नयाँ लेमिनेसन प्रविधिले डिस्प्ले र फ्रन्ट कभरबीचको दुरी कम गर्ने रिर्पोटले जनाएको छ ।कम्पनीले गत वर्ष सार्वजनिक भएको ‘एप्पल वाच सिरिज ६’ मा देखाइएका समस्यालाई सुधार गर्दै नयाँ एप्पल घडीमा अल्ट्रा-वाइडब्यान्ड कनेक्टिभिटी ल्याउने बताएको छ ।
सो नयाँ घडीबाट प्रयोगकर्ताले आफ्नो रगत जाँच नगराइ शरीरमा मधुमेह स्तर, रक्तचाप र रक्सीको स्तरसमेत थाहा पाउन सक्नेछन् ।
Copyright © All right reserved to webtvkhabar.com Site By: SobizTrend Technology
