वेबटिभी खबर
काठमाडौं । काठमाडौंमा पानी परेका कारण विद्यालय कर्मचारीले बोरा ओढेर भए पनि आन्दोलनलाई निरन्तरता दिएका छन् । विद्यालय कर्मचारी माइतीघर मण्डलामा रिले अनशन बसिरहेका छन् ।
आन्दोलनमा नेपाल विद्यालय कर्मचारी परिषद् राष्ट्रिय समितिका अध्यक्ष गंगाराम तिवारी,महासचिव शान्तिनाथ योगीलगायत छन् ।
करिब तीन हप्तादेखि काठमाडौंमा आन्दोलन गर्दै आएका उनीहरूले सरकारसँग तलब, सेवासुविधासहित पेसागत स्थायित्वको माग गरेका छन् ।
पानी परे पनि घाम लागे पनि माग पूरा नभएसम्म आन्दोलन नरोकिने उनीहरूले बताएका छन् ।
Copyright © All right reserved to webtvkhabar.com Site By: SobizTrend Technology
