वेबटिभी खबर
नयाँ दिल्ली । भारतमा मेडिकल एजुकेशन एवं डाक्टरको प्रतिनिधित्व गर्ने संस्था इन्डियन मेडिकल एसोसिएशन (आइएमए) ले कोरोना भाइरस महामारीको दोस्रो लहरमा ७ सय ३० डाक्टरको मृत्यु भएको पुष्टि गरेको छ ।
आइएमएका अनुसार सबैभन्दा धेरै डाक्टरको मृत्यु बिहारमा भएको छ । त्यहाँ ११५ जना डाक्टर कोरोना संक्रमणको शिकार भएका छन् । दिल्लीमा पनि १०५ जना डाक्टरको मृत्यु भएको छ ।
तथ्यांकअनुसार उत्तर प्रदेशमा ७९, पश्चिम बंगालमा ५१, राजस्थानमा ४३, झारखण्डमा ३९, आन्ध्र प्रदेशमा ३८, तेलगंनामा ३७, ओडिशामा ३१, केरलामा २४, महाराष्ट्रमा २३ र कनार्टकमा ९ डाक्टरको कोरोना संक्रमणबाट मृत्यु भएको छ ।
भारतमा केही साता यता दाेस्राे लहरकाे संक्रमण विस्तारै कम हुँदै गएकाे छ । पछिल्ला नाै दिनमा भारतमा संक्रमणदर ५ प्रतिशतले घटेकाे भारतीय स्वास्थ्य मन्त्रालयले जनाएकाे छ । मन्त्रालयकै अनुसार संक्रमणबाट निकाे हुने दर बढेर ९५ प्रतिशत पुगेकाे छ ।
काेराेना भाइरसकाे महामारी सुरू भएदेखि हालसम्म तीन लाख ८० हजार मानिसले ज्यान गुमाएका छन् भने दुई ९६ लाखभन्दा बढी मानिस संक्रमित भएका छन् ।
भारतमा दोस्रो लहरको कोरोना संक्रमण निरन्तर ओरालो लाग्दै 
भारतमा कोरोनाविरुद्धको खोपका कारण मृत्यु भएको पुष्टि 
कोरोनाकाे दोस्रो लहरबाट मुक्त हुँदै भारत
Copyright © All right reserved to webtvkhabar.com Site By: Sobij
