वेबटिभी खबर
अबुजा । नाइजेरियामा हतियारधारी समूहले एक प्रहरी अधिकारीको हत्या गरेका छन् । साथै उनीहरुले उत्तर पश्चिमी नाइजेरियाको केबी राज्यको एक विद्यालयबाट कम्तिमा ८० विद्यार्थी र शिक्षक अपहरण गरेको स्थानीय बासिन्दाले बताएका छन् ।
यो घटना बिहीबार केबीको दुर्गम सहर बर्निन याउरीको फेडरल गर्भर्नमेन्ट कलेजमा भएको थियो । यो एक महिनाभन्दा कम समयमा विद्यालयमा सशस्त्र गिरोहले आक्रमण गरेको तेस्रोपटक हो । स्थानीय अधिकारीहरुले यी आक्रमण र अपहरणका लागि फिरौती रकम खोज्ने गिरोह जिम्मेवार रहेको ठहर्याएका छन् ।
विद्यालयका शिक्षक उस्मान अलियुले बन्दुकधारीले अधिकांश छात्राहरुसहित ८० भन्दा बढी विद्यार्थीहरू लिएर गएको बताए । आक्रमणकारीहरु विद्यालयभित्र जान खोज्दा प्रहरीसँग झडपको क्रममा ती अधिकारीको मृत्यु भएको बताइएको छ । अपहरणमा परेकाहरुको खोजी भइरहेको छ ।
सशस्त्र आपराधिक गिरोहहरूले मध्य र उत्तर पश्चिमी राज्यहरूमा लामो समयदेखि लक्षित गर्दै गाउँहरूमा छापा मारेर गाईवस्तु चोर्ने र फिरौतीका लागि अपहरण गर्ने गर्दै आएका छन् । विशेष गरेर विद्यालयबाट सयाैं विद्यार्थी अपहरण गरिरहेका छन् ।
नाइजेरियामा अपहरणमा परेका २७९ विद्यार्थी रिहा 
नाइजेरियाली विद्यालयबाट अपहरित विद्यार्थीसहित ४२ व्यक्ति रिहा 
नाइजेरियाको विद्यालयमा आक्रमण, ३०० भन्दा बढी विद्यार्थीको अपहरण
Copyright © All right reserved to webtvkhabar.com Site By: Sobij
