वेबटिभी खबर
काठमाडौंं । नेपाल शिक्षक महासंघले सामुदायिक विद्यालयमा कार्यरत प्रारम्भिक बालविकास सहजकर्ता (इसीडी शिक्षक) र विद्यालय कर्मचारीका समस्या समाधानका लागि कानुनी व्यवस्था गर्न माग गरेको छ ।
मंगलबार शिक्षा सरोकारवालाहरूसँगको अन्तर्क्रियामा महासंघले इसीडी शिक्षक र कर्मचारीका समस्या समाधानका लागि कानुनी व्यवस्था गर्न माग गरेको हो ।
महासंघले शिक्षकका सेवासुविधा, स्थायित्व, पारिश्रमिक र बढुवामा रहेका समस्याबारे पनि सरोकारवालाहरूलाई अवगत गराएको छ ।
नयाँ शिक्षा ऐनमा शिक्षकका समस्या सम्बोधनका लागि पहलकदमी लिन महासंघले विशेष आग्रह गर्दै भनेको छ, ‘नयाँ ऐनले महासंघसँग भएको सहमतिबमोजिम बालकक्षाका शिक्षक र विद्यालय कर्मचारीको समस्या सम्बोधन गर्न सक्नुपर्छ ।’
Copyright © All right reserved to webtvkhabar.com Site By: SobizTrend Technology
