वेबटिभी खबर
काठमाडौं । कारोबारको दोस्रो घण्टामा आइतबार नेप्से परिसूचक २३.४२ अंकले घटेको छ । यस अवधिमा परिसूचक ०.७९ प्रतिशतले घटेर २ हजार ९ सय ४५.०१ विन्दुमा पुगेको हो ।
दोस्रो घण्टाको अवधिमा २ सय २३ वटा कम्पनीको ४ अर्ब ९२ करोड १८ लाख ८५ हजार रुपैयाँ बराबरको शेयर खरिद बिक्री भएको छ । यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको ४८ करोड ४७ लाख रुपैयाँ बराबरको शेयर कारोबार भएको छ ।
सो अवधिसम्म कम्पनीको शेयर मूल्य १ हजार ९ सय ९ रुपैयाँमा कारोबार भइरहेको छ ।
दोस्रो घण्टामा कारोबारमा आएका १३ वटा समूहको परिसूचकमध्ये म्युचुअल फण्ड समूहको परिसूचक ०.४९ प्रतिशतले बढेको छ भने बाँकी बैंकिङ,व्यापार, होटल्स तथा पर्यटन, विकास बैंक, जलविद्युत् वित्त, निर्जीवन बीमा, उत्पादन तथा प्रशोधन, अन्य, लघुवित्त, जीवनबीमा र लगानी समूहको परिसूचक घट्दा नेप्से घटेको हो ।
Copyright © All right reserved to webtvkhabar.com Site By: SobizTrend Technology
