वेबटिभी खबर
काठमाडौं । राजधानीमा आजदेखि सुरु भएको साफ यू-१९ च्याम्पियनसीप फुटबल प्रतियोगितामा भारतले बंगलादेशलाई पराजित गरेको छ ।
त्रिपुरेश्वरस्थित दशरथ रंगशालामा आज भएको खेलमा भारतले बङ्गलादेशलाई ३-० को गोलअन्तरले पराजित गर्दै विजयी भएको हो ।
भारतको जितमा गुग्मसार गोयारी, नाओबा पङ्गमबम र अर्जुनसिंह ओइनामले समान एक-एक गोल गरे । भारतले खेलको पहिलो मिनेटमै अग्रता लिएको थियो । भारतका लागि गुग्मसार गोयारीले गोल गरे ।
त्यस्तै भारतले खेलको पहिलो हाफको अन्तिम समयमा अर्को गोल थप्यो । नाओबा पङ्गमबमले बङ्गलादेशी डिफेन्डरको खुट्टाबाट बल खोसेर सुन्दर फिनिस गर्दै गोल गरेका हुन् ।
यसैगरी भारतले खेलको अन्त्यतिर अर्को गोल थप्दै जित सुनिश्चत गर्यो । कप्तान इशान शिशोदियाको पासमा अर्जुनसिंह ओइनामले खेलको ९०औँ मिनेटमा तेस्रो गोल गरे ।
यस जितसँगै समूह ‘बी’मा रहेको भारतले तीन अंक जोडेको छ । समूह ‘बी’मा भारत, बंगलादेश र भुटान रहेका छन् । त्यस्तै समूह ‘ए’ मा नेपाल, पाकिस्तान र माल्दिभ्स रहेका छन् ।
Copyright © All right reserved to webtvkhabar.com Site By: Sobij
