एजेन्सी
नयाँ दिल्ली । भारतीय वायुसेनाको विमान दुर्घटना हुँदा दुई जना पाइलटको मृत्यु भएको छ ।
दुईजना भारतीय वायुसेना (आईएएफ) पाइलटहरू सवार पिलाटस ट्रेनर विमान सोमबार बिहान तेलङ्गानाको मेडक जिल्लाको टुप्रन शहरमा दुर्घटनाग्रस्त भएको आईएएफ अधिकारीहरूले जनाएका छन् ।
अधिकारीहरुका अनुसार डिन्डिगुल जिल्ला नजिकै एयर फोर्स एकेडेमीमा तालिमका क्रममा बिहान नौ बजेर १० मिनेट जाँदा दुर्घटना भएको हो । पाइलटहरूमा एकजना प्रशिक्षक र अर्का क्याडेट हुन् ।
त्यहाँका प्रहरी एसपी रोहिणीले दिएको जानकारी अनुसार दुर्घटनाग्रस्त विमान डन्डिगुल ट्रेनिङ एयरक्राफ्ट हो । विमानभित्र दुई जना मात्र सवार थिए । त्यसमध्ये एकजना ट्रेनर र अर्का प्रशिक्षार्थी थिए। विमानस्थलका कर्मचारी र क्लु टोली घटनास्थल पुगेका छन्। दमकलले आगो निभाइरहेको छ। दुर्घटनाबारे अनुसन्धान जारी छ ।
Copyright © All right reserved to webtvkhabar.com Site By: Sobij
