एजेन्सी
नयाँ दिल्ली । भारतको चार वटा राज्यमा भएको विधानसभा चुनावमा सत्तारुढ भारतीय जनता पार्टी (भाजपा) ले राम्रो मत ल्याएसँगै आगामी चुनावमा केन्द्र सरकार पनि भाजपाकै हुने आकलन सुरु भएको छ ।
भारतीय संसदको हिउँदे अधिवेशनको पहिलो दिन सोमबार संसद भवनमा प्रधानमन्त्री नरेन्द्र मोदीको प्रवेशसँगै भाजपाका सांसदहरुले अबको सरकार पनि मोदी नेतृत्वको हुने भन्दै नाराबाजी गरे । तीन राज्यमा भाजपाले बहुमतसहित जित हासिल गरेको भन्दै सांसदहरुले मोदीको स्वागतमा ताली बजाउँदै झण्डै पाँच मिनेटसम्म नारा लगाएका थिए । मोदी भने विजयी भावमा मन्द मुस्कानमा देखिएका थिए ।
अहिले भएको विधानसभाको चुनावलाई सन् २०२४ मा हुने केन्द्रीय चुनावको लागि शुभ संकेतको रुपमा भाजपाले हेरेको छ । मोदीले भाजपाको जितको श्रेय पार्टीका कार्यकर्ता र जनतालाई दिएका छन् ।
Copyright © All right reserved to webtvkhabar.com Site By: Sobij