इस्लामाबाद । पाकिस्तानी युवाहरुबीच लोकप्रिय चिनियाँ स्वामित्व रहेको भिडियो एप टिकटकमा अश्लील सामाग्री भेटेपछि अधिकारीहरुले दुईपटक बन्द गरिसकेका छन् । पछिल्लोपटक त्यहाँ मार्च महिनामा टिकटक बन्द गरिएको थियो ।
कम्पनीले सीमित भिडियोहरु अपलोड हुने आश्वासन दिएपछि पाकिस्तानी अधिकारीहरुले पुनः सञ्चालनका लागि स्वीकृति दिएका थिए । १ जुलाईमा जारी पाकिस्तानको टिकटकसम्बन्धी रिपोर्टमा टिकटकले ६४ लाख ९५ हजार ९ सय ९२ भिडियो डिलिट गरेको छ ।
अमेरिकापछि सबैभन्दा धेरै भिडियो हटाएको दोस्रो देश पाकिस्तान बनेको छ । अमेरिकामा ८५ लाख ४० हजार ९९ भिडियो असमाजिक भन्दै टिकटकले हटाएको छ ।
हटाइएका भिडियोहरु करिब १५ प्रतिशत अश्लील, नग्न र यौन गतिविधिलाई बढावा दिने खालका थिए । पाकिस्तानमा बनेका यस्तै भिडियोहरु प्रयोगकर्ता र सरकारको अनुरोधपछि प्रतिबन्ध गरिएको थियो ।
पाकिस्तानमा छोटा कपडा लगाएर भिडियो बनाउन पनि राम्रो मानिदैँन । यस महिनाको सुरूमा समलिंगी भिडियो प्रसारण गरेपछि यसका विरुद्ध प्रदर्शन नै गरिएको थियो ।
टिकटकले गोपनीयता नीति फेर्यो पाकिस्तानमा टिकटकमाथि पुनः प्रतिबन्ध
Copyright © All right reserved to webtvkhabar.com Site By: SobizTrend Technology