ओट्वा । क्यानडाको प्रान्त ब्रिटिश कोलम्बियामा डढेलो फैलिएपछि त्यहाँको केही भागका बासिन्दाहरुलाई सार्न आदेश दिइएको छ । शनिबार मध्यदिनसम्म ब्रिटिश कोलम्बियामा १७६ डढेलो लागेको अग्निसेवा विभागका अधिकारीले बताएका छन् ।

उक्त प्रान्तको ११ वटा नगरपालिका समेट्ने थम्पसन निकोला क्षेत्रीय जिल्ला शनिबार दिउँसोसम्म्म त्यसक्षेत्रका बासिन्दालाई तुरुन्तै घर छोडेर जान ९ वटा आदेश जारी गरिएको थियो ।

त्यसबाहेक अन्य ४ वटा सूचनाहरु मानिसहरुलाई सुरक्षित स्थानमा जानका लागि तयार हुन दिइएको थियो । 'सामान्यतया भन्नुपर्दा, हामी हाम्रो सुक्खा चक्रभन्दा तीन हप्ता अगाडि छौं', ब्रिटिश कोलम्बियाका वाइल्डफायर सेवाका क्षेत्रीय अपरेशनल निर्देशक क्लिफ चेपम्यानले पत्रकारलाई भने । 

क्यानडाका रक्षामन्त्री हरजित सज्जनले सरकारले आगलागी पीडितको सहायताका लागि सैन्य हेलिकप्टर पठाउने बताएका छन् ।आगलागीका कारण त्यहाँका कैयौं राजमार्गहरू बन्द भएका छन् ।

त्यहाँ बिहीबार १२ हजारभन्दा बढी चट्याङ परेपछि आगलागी फैलिएको थियो । केही चट्याङहरू मानिसकाे बस्तीनजिकै पनि खसेका थिए । क्यानाडाको पश्चिमी प्रान्तमा गत साता उच्च तापक्रमका कारण लिटन गाउँमा आगलागी भएको थियो । भ्यान्कुभरबाट उत्तरपूर्व २६० किलोमिटरमा रहेको सो गाउँमा ९० प्रतिशतभन्दा बढी क्षेत्र डढेलोले जलेको छ ।  प्रमुख कोरोनेर लिजा लपोइन्टेले जुन २५ देखि जुलाइ १ सम्म त्यहाँ ७१९ जनाकाे ज्यान गएकाे बताएकी छन् । 

वातावरण विभागका अनुसार क्यानडाकाे ब्रिटिश कोलम्बिया, अल्बेर्टासहित सास्काचेवान, उत्तर पश्चिमी क्षेत्र र मनिटोबाका क्षेत्रमा गर्मी अत्यधिक बढेकाे छ । गत साता त्यहाँ ४७ डिग्री सेल्सियस तापक्रम रेकर्ड भएकाे थियाे । 

  क्यानडामा उच्च गर्मी भएको एउटा गाउँभर आगलागी क्यानडामा गर्मीबाट २३० को मृत्यु क्यानडामा अत्यधिक गर्मीका कारण १३० को मृत्यु अमेरिका र क्यानडामा अत्यधिक गर्मी [७ तस्बिर]