वेबटिभी खबर
काठमाडौं । ट्राफिक प्रहरी महाशाखाले बिभिन्न स्थानबाट हराएर फेला पारेका ३३ वटा मोटरसाइकल मंगलबार सम्बन्धित धनीलाई हस्तान्तरण गरेको छ ।
महाशाखा प्रमुख एसएसपी जनक भट्टराईले हराएर फेला परेको २३ वटा मोटरसाइकल र १० वटा स्कुटर सम्बन्धित धनीलाई हस्तान्तरण गरेका हुन् ।
एसएसपी भट्टराईले निषेधाज्ञा जारी भएकै बेलामा पनि सूचना संकलन गरेर चोरी भएका मोटरसाइकल बरामद गरिएको बताए । ‘चोरीमा संलग्न पनि पक्राउ परेका छन्, भट्टराईले भने, ‘मोटरसाइकल चोरीमा संलग्नलाई आवश्यक कारबाहीका लागि विभिन्न प्रहरी वृत्तमा पठाइएको छ ।’
पछिल्लो समय चोरी भएका अधिकांश मोटरसाइकलहरू बजाज कम्पनीको पल्सर र हिरो होण्डा कम्पनीका रहेको महाशाखाले जनाएको छ । यस आर्थिक वर्षमा मात्रै हराएका ४१३ वटा मोटरसाइकल खोजतलास गरी धनीलाई बुझाइएको र चोरीमा संलग्न ५१ जनालाई विभिन्न स्थानहरुबाट पक्राउ गरी कारबाहीका लागि सम्बन्धित प्रहरी वृत्तमा पठाइएको महाशाखाले जनाएको छ ।
Copyright © All right reserved to webtvkhabar.com Site By: Sobij
