पोर्टल्यान्ड । अमेरिकाको पोर्टल्यान्डस्थित ओेरेगन सहरमा तातो हावाका कारण ज्यान गुमाउनेको संख्या १ सय १६ पुगेको छ । देशको चिकित्सा विशेषज्ञले बुधबार लुका कारण ज्यान गुमाउनको तथ्यांक सार्वजनिक गरेका थिए ।
गर्मी बढेपछि गर्भनर केट ब्राउनले पनि मंगलबार एजेन्सीहरूलाई ओरेगनमा यसबाट बच्नका लागि के गर्न सकिन्छ भनेर अध्ययन गर्न निर्देशन दिएका थिए । यसबाहेक २६ जुनमा ग्रामीण सेन्ट पलमा मजदुरहरुलाई अत्यधिक गर्मीबाट बचाउन आपतकालीन नियम पनि लागू गरिएको छ ।
ओरेगनका फार्महरूमा ८० हजारभन्दा धेरै मजदूरहरू कार्यरत छन् ।
क्यानडामा ४७ डिग्रीसम्म तापक्रम रेडर्क गरिएको थियो भने ओरेगनमा ४२ डिग्री सेल्सियस पुगेको थियो । क्यानडामा पनि गर्मीका कारण यसपटक २ सयभन्दा बढी व्यक्तिकाे मृत्यु भएकाे छ ।
उत्तरपश्चिम अमेरिका र क्यानडाका केही भागमा गर्मी बढेको छ । जाडो मौसममा शून्यभन्दा पनि कम तापक्रम हुने अधिकांश क्षेत्रमा यतिखेर गर्मीले रेकर्ड कायम गरेको हो । गर्मीबाट क्यालिफोर्निया र इडाहोका केही क्षेत्र पनि प्रभावित भएका छन् ।
मानिसहरूलाई गर्मीबाट राहत दिन केही सहरहरूले चिस्यान केन्द्रहरू खोलिदिएका छन्, त्यहाँका बासिन्दाहरूले तिनै एसी भवनमा गर्मीबाट राहत पाउन सक्छन् । वातावरण विभागका अनुसार क्यानडाकाे ब्रिटिश कोलम्बिया, अल्बेर्टासहित सास्काचेवान, उत्तर पश्चिमी क्षेत्र र मनिटोबाका क्षेत्रमा गर्मी अत्यधिक बढेकाे छ । गर्मीका कारण क्यानडादेखि साइप्रस डढेलाेकाे प्रकाेपमा परेकाे छ ।
क्यानडादेखि साइप्रससम्म गर्मीले जंगली डढेलो क्यानडाको ब्रिटिश कोलम्बिया राज्यभर सयौं डढेलो क्यानडामा उच्च गर्मी भएको एउटा गाउँभर आगलागी क्यानडामा गर्मीबाट २३० को मृत्यु अमेरिका र क्यानडामा अत्यधिक गर्मी [७ तस्बिर]
Copyright © All right reserved to webtvkhabar.com Site By: SobizTrend Technology