वेबटिभी खबर
चितवन । पहिरोका कारण बुधबार रातिदेखि अवरुद्ध भएको नारायणगढ–मुग्लिन सडक आज बिहानदेखि एकतर्फी खुलेको छ ।
उक्त सडकखण्डको भरतपुर महानगरपालिका–२९ सेतीदोभानमा खसेको पहिरो पन्छाएपछि आज बिहान साढे ५ बजेदेखि सडक सञ्चालनमा आएको हो ।
जिल्ला प्रहरी कार्यालय चितवनले पहिरो पन्छाएपछि अहिले एकतर्फी बाटो खुलेकाले रोकिएका सवारी गन्तब्यतर्फ अघि बढेका छन् । वर्षा सुरु भएयता उक्त सडकखण्ड धेरै पटक अवरुद्ध भइसकेको छ । दैनिक सडक अवरुद्ध हुने र केहीबेर खुल्ने क्रम जारी छ । विभिन्न ठाउँमा निरन्तर पहिरो खस्ने भइरहेकाले यात्रा जोखिमपूर्ण बनेको छ ।
Copyright © All right reserved to webtvkhabar.com Site By: Sobij
