मुकेश झा
सर्लाही । सर्लाहीमा शुक्रबार सामुदायिक वन उपभोक्ता महासंघले २९औँ स्थापना दिवस विभिन्न कार्यक्रमसहित मनाएको छ ।
‘वनको दिगो व्यवस्थापन र सामुदायिक अधिकार, सुशासन अर्थतन्त्र समृद्धिको मूल आधार’ भन्ने नाराका साथ स्थापना दिवस मनाएको हो ।
सामुदायिक वन उपभोक्ता महासंघको स्थापना दिवस मनाउन जिल्लाभरिका विभिन्न सामुदायिक वन उपभोक्ता समितिका प्रतिनिधि र उपभोक्ताहरू सहभागी भएका थिए ।
सामुदायिक वन उपभोक्ता महासंघ सर्लाहीका अध्यक्ष सीताराम पोखरेलको अध्यक्षतामा भएको कार्यक्रम बिहानी सामुदायिक वन उपभोक्ता समिति मुर्तिया हजारविघामा भएको हो ।
कार्यक्रममा हरिवन नगरपालिकाका उपमेयर हरिमाया घलान, सामुदायिक वन उपभोक्ता महासंघ केन्द्रीय सदस्यहरू उत्तर कुमार मैनाली, पार्वती बिक, रिता कुवँर लगायतकाको सहभागीता रहेको थियो । कार्यक्रमका सहभागीलाई सामुदायिक वन उपभोक्ता महासंघले विभिन्न जातका बिरुवा वितरण गरेको थियो ।
Copyright © All right reserved to webtvkhabar.com Site By: Sobij
