वेबटिभी खबर
काठमाडौं । भारतका सुपरस्टार रजनीकान्तले राजनीतिबाट सन्यास लिएका छन् । उनले सोमबार आफ्नो राजनीतिक पार्टी ‘रजनी मक्कल मन्द्रम’ खारेज गरे ।
रजनीकान्तले पार्टी पदाधिकारीसँग भविष्यमा राजनीतिमा कहिल्यै फर्किने योजना नभएको पनि बताए । उनले पार्टीका सबै सदस्यसँग छलफल गरेर यस्तो निर्णय लिएका हुन् । रजनीकान्तको नयाँ संगठन ‘रजनी फ्यान क्लब एसोसिएसन’ सामाजिक सेवामा सक्रिय हुनेछ ।
गत २९ डिसेम्बरमा रजनीकान्तले स्वास्थ्य अवस्था बिग्रिएकाले आफू निर्वाचनबाट टाढा रहने निर्णय गरेका थिए । उनले तमिल भाषामा चिठी लेख्दै निर्वाचनमा नगई जनताको सेवा गर्ने बताएका थिए ।
Actor Rajinikanth says he would discuss with the office bearers of Rajini Makkal Mandram whether he would enter politics or not in the future, ahead of today's meeting with fans pic.twitter.com/3ByCVTbfYQ
— ANI (@ANI) July 12, 2021
२५ डिसेम्बरमा रक्तचापमा भइरहेको उतारचढावका कारण उनी हैदराबादको अपोलो अस्पताल भर्ना भएका थिए । यसपछि चिकित्सकले उनलाई आराम गर्न र कोरोनाबाट बच्न सल्लाह दिएका थिए । त्यसभन्दा अघि ३ डिसेम्बरमा रजनीकान्तले नयाँ पार्टी बनाएर २०२१ को विधानसभा निर्वाचन लड्ने घोषणा गरेका थिए । पछि ३१ डिसेम्बरमा नयाँ पार्टीको घोषणा गरे र निर्वाचनमा सहभागी नहुने बताएका थिए । उनी हालै उपचार गरेर अमेरिकाबाट भारत फर्किएका छन् ।
Copyright © All right reserved to webtvkhabar.com Site By: Sobij
