वेबटिभी खबर
काठमाडौं । निवर्तमान प्रधानमन्त्री केपी शर्मा ओलीका प्रेस सल्लाहकार सूर्य थापाले आफ्नै पार्टीको सरकार ढालेर शेरबहादुर देउवाको बैशाखी बनेको भन्दै माधव नेपालमाथि कटाक्ष गरेका छन् । थापाले सामाजिक सञ्जालमा एमाले वरिष्ठ नेता नेपालले नवनियुक्त प्रधानमन्त्री कांग्रेस सभापति देउवालाई बधाई दिँदै गरेको फोटो राखेर कटाक्ष गरेका हुन् ।
'नेकपा एमाले र अध्यक्ष नेतृत्वको सरकार ढालेर शेरबहादुर देउवाको बैशाखी बन्ने र पहिलो बधाई दिन आतुर माधव कुमार नेपालका निम्ति त यो हर्षविभोर क्षण होला !,'थापाले समाजिक सञ्जाल ट्विटरमा लेखका छन्, 'जनादेश विपरित परमादेशबाट देउवाको प्रधानमन्त्रीमा नियुक्ति हलो ताछेर मुङ्ग्रो बनाएजस्तै हो ।'
थापाले देउवाको पक्षमा समर्थन गर्ने एमालेका २३ सांसदको नाम उल्लेख गरेर भनेका छन, 'यी २३ को गद्दारीको परिणाम त हो !'
नेकपा एमाले र अध्यक्षकाे नेतृत्वको सरकार ढालेर शेरबहादुर देउवाकाे बैशाखी बन्ने र पहिलाे बधाई दिन आतुर माधव कु.नेपालकाे निम्ति त याे हर्षविभाेर क्षण हाेला!जनादेशविपरित परमादेशबाट श्री शेबदेकाे प्रममा नियुक्ति"हलाे ताछी मुङ्ग्राे बनाएजस्तै"हाे।
— Surya Thapa (@ThapajiSurya) July 13, 2021
यिनै २३काे गद्दारीकाे परिणाम त हाे! pic.twitter.com/04jLPHmAXC
Copyright © All right reserved to webtvkhabar.com Site By: SobizTrend Technology
