सर्लाही । सर्लाहीको बागमती नगरपालिका–१२, मा निर्माणाधीन अवस्थामा रहेको १२१ विघा क्षेत्रफलमा फैलिएको तालमा डुबेर शनिबार एक किशोर बेपत्ता भएका छन् ।
माछा मार्ने उदेश्यले तालमा पुगेका बागमती नगरपालिका वडा १ बस्ने १८ वर्षीय सुशान्त थापा डुबेर बेपत्ता भएका हुन् ।
अपरान्ह ४ बजेतिर तालमा डुबेर बेपत्ता भएका किशोरको खाजीमा नेपाल प्रहरी, सशस्त्र प्रहरी र स्थानीयवासी जुटेका छन् ।
थापासँगै माछा मार्न गएका अन्य साथीहरु सकुशल रहेको प्रहरीले जनायो । कृतिम ताल भर्न बागमती नदीको पानी लग्ने गरिएको छ । त्यही भएर माछा मार्न जानेहरु बढेका छन् ।
Copyright © All right reserved to webtvkhabar.com Site By: SobizTrend Technology