काठमाडौं । नेकपा एमालेका वरिष्ठ नेता माधव नेपालले पार्टी एकता कार्यदलले निकालेको प्रतिवेदनमा असहमति दर्ज गरे पछि एमाले एकता थप संकटमा परेको छ । २ जेठ ०७८ मा अध्यक्ष केपी शर्मा ओली र नेपाल सहभागी बैठकले आफ्नो पक्षका ५, ५ गरी १० सदस्यीय कार्यदल गठन गरेको थिए, तर सोही कार्यदलले सुझाएको १० बुँदे सहमतिमा नेपाल असन्तुष्ट भएपछि पार्टी एकता जटिल बनेको हो ।
आइतबार बिहान कोटेश्वरस्थित नेपाल निवासमा नेपालसँग छलफल गरेर फर्किएलगत्तै कार्यदल सदस्यसमेत रहेका एमाले नेता शंकर पोखरेलले कार्यदलको प्रतिवेदनमा नेपालले अहसमति जनाएको खुलासा गरेका छन् । ‘माधव नपालले कार्यदलको प्रतिवेदनमा असहमति जनाएसँगै तीन महिनाको मेहनत खेर गयो,’ पोखरेलले फेसबुक पेजमार्फत भनेका छन् । वरिष्ठ नेता नेपालले पार्टीका हरेक निर्णय आफ्नो पनि हस्ताक्षर अनिवार्य हुनुपर्ने माग राखेपछि १० बुँदे सहमतिले फेल खाएको हो ।
आइतबार बिहान कार्यदलका दुवै पक्षका नेताले नेपाललाई भेटेर पार्टी एकताका लागि लचकता अपनाउन र प्रधानमन्त्री शेरबहादुर देउवालई विश्वासको मत दिन पार्टीको निर्णयको ख्याल गनै सुझाव दिएका थिए । तर नेपालले १० बुँदे सहमतिका आधारमा पार्टी एकता कायम गर्ने प्रस्ताव अश्वीकार गरेको छलफलमा सहभागी एक नेताले बताए । कार्यदलका अर्का सदस्य गोकर्ण विष्टले १० बुँदेका आधारमा पार्टीमा एकता कायम गर्न आफूहरु क्रियाशील रहेको प्रतिक्रिया दिएका छन् ।
Copyright © All right reserved to webtvkhabar.com Site By: Sobij
