वेबटिभी खबर
काठमाडौं । मन्त्रिपरिषद् बैठकले तीन सहसचिवलाई सचिवमा बढुवा गर्ने निर्णय गरेको छ ।
सोमबार सिंहदरबारमा बसेको मन्त्रिपरिषद् बैठकले प्रशासनतर्फका दुई र प्राविधिकतर्फका एक गरी तीन सहसचिवलाई सचिवमा बढुवा गर्ने निर्णय गरेको कानुन न्याय तथा संसदीय व्यवस्थामन्त्री तथा सरकारका प्रवक्ता ज्ञानेन्द्रबहादुर कार्कीले जानकारी दिए ।
प्रवक्ता कार्कीकाअनुसार ज्येष्ठताका आधारमा किरणराज शर्मा र कार्यसम्पादन मूल्याङ्कनका आधारमा डा.रामप्रसाद घिमिरे सचिवमा बढुवा भएका छन् ।
जेष्ठताका आधारमा शर्माको मात्रै सचिव बढुवा गर्न सिफारिस बढुवा सिफारिस समितिले गरेको थियो ।
त्यस्तै कार्यसम्पादनतर्फ घिमिरेसँगै हरिप्रसाद मैनाली र डिल्लीराज शर्माको नाम सिफारिस भएको थियो । प्राविधिकतर्फ स्वास्थ्य सचिवमा डा.रोशन पोखरेललाई सचिवमा बढुवा भएका छन् ।
Copyright © All right reserved to webtvkhabar.com Site By: Sobij
