एजेन्सी – प्रि–सिजनको पहिलो खेलमा बार्सिलोनाले शानदार जित निकालेको छ। सब्सिच्युट फरवार्ड रे मानाजको ह्याट्रिक सहयोगमा बार्सिलोनाले सानदार जित दर्ता गरेको हो ।
बार्सिलोनाले १० खेलाडीमा समेटिएको तेस्रो डिभिजनको जिम्नास्टिकमाति ४–० को फराकिलो जित निकालेको हो । सबै ४ गोल दोस्रो हाफमा सम्भव भएको थियो ।
३८औं मिनेटमा एलेक्स क्विन्टानिला रातो कार्ड खाँदै मैदानबाट बाहिरिएपछि त्यसको फाइदा बार्सिलोनाले उठाउन सफल भएको थियो । ६०औं मिनेटमा रे मानाजले गोल गर्दै बार्सिलोनालाई अग्रता दिलाए ।
८५औं मिनेटमा एलेक्स कोल्लाडोले गोल गर्दै बार्सिलोनाको अग्रता दोब्बर पारे । त्यसपछि रे मानाजले ८६औं र ९० औं मिनेटमा गोल गर्दै ह्याट्रिक पुरा गरेपछि बार्सिलोनाले फराकिलो जित निकाल्न सफल भयो । मानाज ४६औं मिनेटमा जोर्डी स्कोवारको स्थानमा मैदान प्रवेश गरेका थिए ।
Copyright © All right reserved to webtvkhabar.com Site By: SobizTrend Technology
