काठमाडौं– चीनसँग खरिद गरिएको ‘भेरोसेल’खोपको १६ लाख डोज आज नेपाल आइपुग्ने भएको छ। खोप लिएर नेपाल वायु सेवा निगमको जहाज दिउँसो २ बजे काठमाडौं आइपुग्ने स्वास्थ्य मन्त्रालयका प्रवक्ता डा. कृष्णप्रसाद पौडेलले जानकारी दिए।
सरकारले चीन सरकारसँग सरकार–सरकार (जिटुजी) मार्फत खोप ल्याएको हो। भेरोसेल लिएर आएको जहाज फेरि खोप लिन आजै बेइजिङ उड्ने छ।
सरकारले चीनसँग खरिद गरेको भेरोसेल खोप ३२ लाख डोज र चीनले अनुदानमा दिन लागेको १६ लाख डोज खोप ल्याइने मन्त्रालयका प्रवक्ता पौडेलले जानकारी दिए। सरकारले चीनसँग खरिद गरेको ४० लाख डोजमध्ये ८ लाख डोज खोप ल्याइसकिएको छ।
Copyright © All right reserved to webtvkhabar.com Site By: SobizTrend Technology