नयाँ दिल्ली । भारतमा कोरोना भाइरसबाट दैनिक संक्रमितहरुको संख्यामा फेरि वृद्धि भएको छ । सरकारी अधिकारीहरुले दिएको विवरणअनुसार पछिल्लो २४ घण्टामा भारतमा ४१ हजार ३ सय ८३ जना कोरोना भाइरसबाट संक्रमित नयाँ थपिएका छन् ।
अघिल्ला केही दिनको तुलनामा यो संख्या धेरै भएकाले भारतमा कोरोना भाइरसबाट दैनिक संक्रमितहरुको संख्यामा फेरि वृद्धि भएको हो ।
सोही अवधिमा संक्रमणमुक्त भएकाहरुको संख्या पनि थपिएका संक्रमितहरुको संख्याभन्दा धेरै रहेकाले समेत सक्रिय संक्रमितको संख्यासमेत बढ्दै गइरहेको छ । पछिल्लो एक दिनमा भारतमा कोरोना भाइरसबाट संक्रमणमुक्त भएकाहरुको संख्या ३८ हजार ६ सय ५२ रहेको अधिकारीहरुले जानकारी दिएका छन् । योसँगै भारतमा अहिलेसम्म कोरोना भाइरसबाट संक्रमित भएर पनि अहिले संक्रमणमुक्त भएकाहरुको कुल संख्या तीन करोड चार लाख २९ हजार ३ सय ३९ पुगेको छ ।
भारतमा अहिले पनि कोरोना भाइरसबाट संक्रमित अवस्थामै रहेकाहरुको कुल संख्या चार लाख नौ हजार ३ सय ९४ रहेको अधिकारीहरुले जनाएका छन् । यो सङ्ख्या कुल संक्रमितहरुको संख्या १.३१ प्रतिशत मात्रै हो । कोरोना भाइरसका कारण भारतमा अहिलेसम्म मृत्यु भएकाहरुको संख्या चार लाख १८ हजार ९८७ रहेको छ । ती मध्ये ५ सय ७ जनाको पछिल्लो २४ घण्टामा मृत्यु भएको केन्द्रीय स्वास्थ्य तथा परिवार कल्याण मन्त्रालयले जनाएको छ ।
भारतीय चिकित्सा अनुसन्धान परिषद्का अनुसार भारतमा अहिलेसम्म ४५ करोड नौ लाख ११ हजार ७ सय १२ स्वाब परीक्षण गरिएको छ । ती मध्ये १७ लाख १८ हजार ४ सय ३९ जनाको कोरोना परीक्षण पछिल्लो एक दिनमा गरिएको हो ।
भारतमा फेरी बढ्यो कोरोना संक्रमण, मृतकको संख्या ३९ दिन यताकै सबैभन्दा बढी १२५ दिनपछि भारतलाई कोरोनाबाट राहत
Copyright © All right reserved to webtvkhabar.com Site By: SobizTrend Technology