वेबटिभी खबर
रौतहट । रौतहटको दुई छुट्टाछुटै स्थानमाभएको आगलागीमा १० लाख ३८ हजार बराबरको क्षती भएको छ । गरुडानगरपालिका–५ मा रहेको ठाकुर ग्रिलउद्योगमा सोमबार बेलुकाकरिब ९ बजे तिर आगलागी भएको हो ।
आगलागीको घटनाकाबारेमा जानकारी पाउनका साथ ईलाकाप्रहरी कार्यालय गरुडाका प्रहरी निरीक्षक ओम प्रकाश यादवको नेतृत्वको टोलि खटिएको थियो ।सुरक्षाकर्मी, स्थानियबासी र वरुणयन्त्र (दमकल ) सहयोगमा आगो करीब एक घण्टा नियन्त्रणमा आएको जिल्ला प्रहरी कार्यलय रौतहटका प्रवक्ता एवं डिएसपी दिपककुमार रायले बताए ।
उनका अनुसार बिद्युततार सर्ट भएर आगोलागी भएको अनुमान गरिएको छ । आगोलागीबाट उद्योगमा रहेको टायर, वल्डिङ मेसिन ,मर्मतका लागी राखिएको ट्याक्टर लगायत जलेर क्षती पुगेको उनले जानकारी दिए । आगोलागीबाट कुनै प्रकारको मानवीय क्षती नभएको उनको भनाइ छ ।
आगोलागीमा १० लाख बराबरको क्षती भएको प्रहरीले जानकारी दिएको छ । यस्तै इशनाथनगरपालिका ६ जयनगर बस्ने शेख वसिर अख्तरको पक्की घरको एक कोठामा आगोलागी भएको रौतहट प्रहरीले जनाएको छ । आगोलागीबाट कोठामा रहेका टिभी, पलङ र साइकल लगायत जलेर क्षती भएको प्रहरीको भनाइ छ । घरको कोठामा मात्र आगोलागी भएकाले करीब ३८ हजार बराबरको क्षती भएको जिल्लाप्रहरी कार्यलय रौतहटले जनाएको छ ।
Copyright © All right reserved to webtvkhabar.com Site By: Sobij
