काठमाडौं । साताको पहिलो कारोबारका दिन आइतबार कारोबारको दोस्रो घण्टामा नेप्से परिसुचक १.२७ प्रतिशतले उकालो लागेको छ । आइतबार ३०१७.५६ बिन्दुबाट सुरु भएको बजार कारोबारको दोस्रो घण्टामा ३८.०२ अंकले बढेर ३०४२.३५ बिन्दुमा पुगेको हो ।
यस अवधिमा कारोबारमा आएका २ सय १४ वटा कम्पनीको ६७ हजार १ सय पटकको कारोबारमा २ करोड ४७ लाख ९५ हजार कित्ता शेयर खरिदबिक्री भएको छ । कारोबारको दोस्रो घण्टामा सात वटा कम्पनीको शेयर मूल्य १० प्रतिशतले वृद्धि भएको छ भने २ वटा कम्पनीको शेयर मूल्य ९ प्रतिशतभन्दा बढिले वृद्धि भएको छ ।
यस अवधिमा विशाल बजार कम्पनी, ङादी ग्रुप पावर, सपोर्ट माइक्रोफाइनान्स वित्तीय संस्था, पञ्चकन्या माइ हाइड्रोपावर लिमिटेड, युनिभर्सल पावर कम्पनी लिमिटेड, जोशि हाइड्रो पावर डेप्लप्मेन्ट कम्पनी र हिमालय उर्जा विकास कम्पनीको शेयर मूल्यमा सकरात्मक सर्किट लागेको हो । यस्तै राधि विद्युत कम्पनी लिमिटेड र कालिका पावर कम्पनी लिमिटेडको शेयर मूल्य ९ प्रतिशतभन्दा बढीले वृद्धि भएको हो ।
Copyright © All right reserved to webtvkhabar.com Site By: SobizTrend Technology