काठमाडौं । नेपाली कांग्रेस मन्थली-काठमाडौं सम्पर्क समितिले मृगौलापीडित दिलबहादुर चौहानलाई आर्थिक सहयोग हस्तान्तरण गरेको छ । रामेछाप जिल्ला मन्थली-१० स्थायी घर भएका चौहान १ वर्षदेखि मृगौला सम्बन्धी रोगबाट पीडित चौहानलाई समितिले आर्थिक सहयोग गरेको हो ।
हाल सहिद धर्मभक्त राष्ट्रिय प्रत्यारोपण केन्द्रमा मृगौला प्रत्यारोपणका लागि अस्पतालमा भर्ना भएका चौहानलाई नेपाली कांग्रेस रामेछाप प्रदेख ‘ख’ का सभापति विनोद कार्की, कांग्रेस रामेछाप जिल्ला कार्यसमिति सदस्य कपिल कार्की, मन्थली-१० का इकाई सभापति गोपीलाल तमाङ, सम्पर्क समितिका सभापति मोहन बुढाक्षेत्री लगायतको उपस्थितिमा उक्त रकम हस्तान्तरण गरिएको हो ।
सम्पर्क समितिको नेतृत्वमा संकलित १ लाख २० हजार १ सय १० रुपैयाँ शनिबार हस्तान्तरण गरिएको हो । सम्पर्क समितिमार्फत् ३१ जना दाताले स्वैच्छिक रुपमा सहयोग गरेको उक्त रकमले चौहानको उपचारमा सहयोगका साथै बिरामीको मनोबल बढ्ने रामेछाप प्रदेश ‘ख’ का सभापति कार्कीले बताए ।
Copyright © All right reserved to webtvkhabar.com Site By: SobizTrend Technology