काठमाडौं । नेपालमा सोमबार ८९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा चार हजार ३ सय ९९ जनाको पिसिआर परीक्षण गरिएको थियो । जसमा ४० जना महिला र ४९ पुरुषमा संक्रमण पुष्टि भएको हो ।
त्यसैगरी यो अवधिमा ४१ जना कोरोना संक्रमण मुक्त भएका छन् ।
हालसम्म दुइ लाख ७४ हजार ८ सय १० जनामा कोरोना पुष्टि भएको छ । जसमध्ये दुइ लाख ७० हजार ९ सय २७ जना कोरोना संक्रमण मुक्त भएका छन् । कोरोना निको हुने दर ९८.६ प्रतिशत रहेको छ ।
पछिल्लो २४ घण्टामा कोरोनाले एक जनाको मृत्यु भएको छ । योसमेत हालसम्म संक्रमण भएर मृत्यु हुनेको संख्या तीन हजार ११ पुगेको मन्त्रालयले जनाएको छ ।
Copyright © All right reserved to webtvkhabar.com Site By: Sobij
