भरियाहरू भारी हुन्छन् र
राज्यले भरिया बोक्न शक्तैन ।
बरू भरियाले राज्य उचाल्छ ।
राज्यले त उपहास बोकाएर
उपहारको उकालो चढाउँछ ।
राज्य र भरिया,
आपसमा अनभिज्ञ हुन्छन् ।
त्यसैले,
भरिया, भारी र बाटोले चीनजान गर्छन् ।
कैले भरियाले भारी बोकेजस्तो,
कैले उकालोले भरिया बोकेजस्तो गर्छन् ।
भरिया निरन्तरताको पर्याय बनेर,
उदेश्यको उकालो चढिरहँदा,
मुन्टो निकालेर दुलोबाट
राज्य रमाइलो हेरिरहन्छ ।
श्रमिकका पाइतालाहरू !
आफ्नै माटोमा टेक्न चाहन्छन् ।
लामबद्ध बाटोका भरियाहरू !
जुलुम बोकेका जुलुस हुँदैनन् ।
देशले पसिना खोजेका बेला,
भरियाहरू
जिन्दाबाद ! मुर्दाबाद हुँदै हुँदैनन् ।
यीनीहरू !
अनमोल पसिनाभएर सधैँ
माटो उर्वर पारि रहन्छन् ।
Copyright © All right reserved to webtvkhabar.com Site By: SobizTrend Technology