मेरो जीवन मेरै खुसी रमाएर बाँच्छु
आफ्नै मनको ढुकढुकीलाई समाएरै नाच्छु
चिन्ता गर्नु छैन मलाई सधैं हाँसिरन्छु
आफ्ना साथीभाइसँग हात गाँसिरन्छु
विषादलाई बिर्सिदिन्छु माया मात्र साँच्छु
मेरो जीवन मेरै खुसी रमाएर बाँच्छु
भन्नेहरू के-के भन्छन् मतलब छैन मलाई
पीडा दिन्न कसैलाई सोच्छु सधैं भलाइ
मुटु घोच्ने काँडाहरू हाँसी हाँसी भाँच्छु
मेरो जीवन मेरै खुसी रमाएर बाँच्छु ।
Copyright © All right reserved to webtvkhabar.com Site By: SobizTrend Technology