वेबटिभी खबर
काठमाडौं । निर्वाचन आयोगले विभिन्न ४१ वटा राजनीतिक दलहरूको दर्ता खारेज गरेको छ । आयोग उच्च प्रतिनिधिहरुको मंगलबार बसेको बैठकले तीन वर्षसम्म लेखा प्रतिवेदन नबुझाउने राजनीतिक दलहरूलाई खारेजी गरेको हो ।
आयोगका सहसचिव तथा प्रवक्ता राजकुमार श्रेष्ठकाअनुसार २० साउनदेखि यो निर्णय लागु हुनेछ । दर्ता खारेज भएका दलहरूको नाम, झण्डा र चुनाव चिन्ह एक वर्षसम्म अरुले प्रयोग गर्न नपाउने व्यवस्था गरिएको छ ।
आयोगको निर्णय अनुसार शिवसेना पार्टी, अखण्ड नेपाल, नेपाली कांग्रेस राष्ट्रवादी, चुरे भावरलगायतका दलहरूको दर्ता खारेज भएको हो ।
यस्तै संघीय लिम्बुवान र किराँत खुम्बुवान पार्टी पनि खारेजीमा परेका छन् । आयोगको निर्णयसँगै अब निर्वाचन आयोगमा दर्ता कायम रहेका दलहरूको संख्या ९५ वटामा सीमित भएको छ । यसअघि आयोगमा १३६ वटा दल दर्ता रहेका थिए ।
Copyright © All right reserved to webtvkhabar.com Site By: Sobij
