काठमाडौं । सरकारको न्यूनतम साझा कार्यक्रमलाई सत्तारुढ गठबन्धनका शीर्ष नेताको बैठकले अन्तिम रुप दिएको छ । आइतबार बिहान साढे ११ बजे प्रधानमन्त्रीको सरकारी निवास बालुवाटारमा बसेको शीर्ष नेताको बैठकले उक्त कार्यक्रमलाई अन्तिम रुप दिएको हो ।
हामीले तयार पारेको सरकारको न्यूनतम साझा कार्यक्रमको प्रतिवेदन प्रधानमन्त्रीले हेरेपछि नेताहरुले फाइनल गर्नुभयो,’ कार्यदलका संयोजक कांग्रेस महामन्त्री पूर्णबहादुर खड्काले जानकारी दिए । अन्तिम रुप दिइसकिएको उक्त प्रतिवेदन आजै दिउँसो ४ बजे सिंहदरबार सार्वजनिक गर्न लागिएको खड्काले बताए ।
‘आजको बैठक सरकारको न्यूनतम साझा कार्यक्रमको प्रतिवेदनलाई फाइनल गर्ने कुरामा केन्द्रित थियो । नेताहरुले हेरेपछि फाइनल भएको छ,’ उनले भने । सरकारको न्यूनतम साझा कार्यक्रम सार्वजनिक गरेपछि मन्त्रिमण्डल विस्तारबारे छलफल सुरु हुने उनको भनाइ छ । सत्तागठबन्धनका शीर्ष नेताले मन्त्रीको टुंगो लगाए आज वा भोलिभित्रै मन्त्रिपरिषद् विस्तार गर्ने प्रधानमन्त्रीको तयारी छ ।
Copyright © All right reserved to webtvkhabar.com Site By: Sobij
