वेबटिभी खबर
काठमाडौं । नेकपा (एमाले) को स्थायी कमिटी बैठक सुरु भएको छ । दिउँसो ३ बजे बस्ने केन्द्रीय कमिटी बैठकमा लाने एजेण्डाबारे छलफल गर्न ललितपुर च्यासलस्थित तुल्सीलाल स्मृति प्रतिष्ठान भवनमा स्थायी कमिटी बैठक बसेको हो ।
नेपाल पक्षले भने आज बस्ने स्थायी कमिटी र केन्द्रीय कमिटको बैठकको कानुनी वैधता नै नरहेको दाबी गर्दै बैठकमा अनुपस्थित हुने अघोषित निर्णय गरिसकेको छ ।
विधान महाधिवेशनमा प्रस्तुत गरिने विधान मस्यौदा प्रस्तावमाथि छलफल गर्न आजको बैठक बोलाइएको केन्द्रीय कार्यालय सचिव शेरबहादुर तामाङले जानकारी दिए । स्थायी कमिटीले विधान मस्यौदा प्रस्ताव पारित गरेपछि केन्द्रीय कमिटीमा पेस गर्ने र सो प्रस्ताव साउन २७ भित्र सबै मातहत कमिटीहरूमा अध्ययन र सुझावका लागि पठाइनेछ ।
भदौ २७ र २८ गते एमालेको विधान महाधिवेशन तोकिएको छ । वरिष्ठ नेता माधव नेपाल पक्षले भने बैठक रोक्न माग गरिरहेको बेला संगठनका काम कारबाही नरोकिने भन्दै एमाले संस्थापन पक्षले गतिविधि जारी राखेको हो ।
एमाले संस्थापनले आइतबार नै बस्ने भनेको बैठक वरिष्ठ नेता नेपालपक्षको आग्रहमा सोमबारलाई सारिएको हो । नेपाल पक्षले भने आज बस्ने स्थायी कमिटी र केन्द्रीय कमिटको बैठकको कानुनी वैधता नै नरहेको दाबी गर्दै बैठकमा अनुपस्थित हुने अघोषित निर्णय गरिसकेको छ । जारी बैठकमा उपाध्यक्ष वामदेव गौतम पनि सहभागी छन् ।
Copyright © All right reserved to webtvkhabar.com Site By: Sobij
