काठमाडौं । कोहलपुर इलाका प्रहरी कार्यालयले लागूऔषध चरेससहित तीनजनालाई पक्राउ गरेको छ ।
बा ६ च ७५७१ नम्बरको गाडिमा एक किलो चरेस लिएर हिंडेको अवस्थामा कोहलपुर नगरपालिका-१० हाईस्कुल क्षेत्रबाट तीनजनालाई पक्राउ गरिएको कोहलपुर इप्रकाका डिएसपी रविन्द्र खनालले जानकारी दिए ।
कोहलपुर नगरपालिका वडा-२ का विश्वसागर परियार, राप्तिसोनारी गाँउपालिका-३ का आनन्द खड्का र कैलाश शाहीलाई लागूऔषध चरेससहित पक्राउ गरिएको खनालले बताए ।
प्रहरीका अनुसार गाडिको डिक्कीमा चरेस लुकाइएको थियो । पक्राउ परेकालाई हिरासतमा राखेर थप अनुसन्धान थालिएको प्रहरीले जनाएको छ ।
Copyright © All right reserved to webtvkhabar.com Site By: Sobij
